ከጥቂት ጊዜ በፊት የቴል አቪቭ የይሳም (የቀውስ ፈጣን ምላሽ ሰጪ) ታጣቂዎች በብሉምፊልድ ስታዲየም አቅራቢያ አንዱን ወጣት በከባድ ሁኔታ በመምታት ፊትና አካሉ ላይ ከፍተኛ ጉዳት ያደረሱ 3 ተጠርጣሪዎችን በቁጥጥር ስር አዋሉ። በስታዲየሙ አካባቢ ለሚደረገው ጨዋታ በዝግጅት ላይ የነበሩት የቴል አቪቭ የይሳም ታጣቂዎች የጥቃቱን ድርጊት ተመልክተው ወዲያውኑ ምላሽ በመስጠት ተጠርጣሪዎቹን አዙዋቸዋል። እነሱም በ20ዎቹ እና በ30ዎቹ ዕድሜ ውስጥ የሚገኙ የቴል አቪቭ ነዋሪዎች ናቸው። ከባድ ጉዳት የሚያደርስ ጥቃት በመፈጸማቸውም ለምርመራ ወደ ያፋ ፖሊስ ጣቢያ ተዛውረዋል። የእስራኤል ፖሊስ ለጨዋታው በሚደረገው ዝግጅት ማዕቀፍ ውስጥ ጽኑ እንቅስቃሴውን የሚቀጥል ሲሆን በማናቸውም የዓመፅ መገለጫዎች እና የሰላም መደፍረስ ድርጊቶች ላይ በጥብቅ እጅ እንደሚወሰድ አስታውቋል።